Naglasa.. Nahinang Balhala’

11013250_661057827361100_7700066599162796522_n

By Muhammad Faiz Al-Madani

Naglasa….. Nahinang BALHALA’.
.
Kiyaingatan niyu ka in kissa sin duwa naglalasa ha masa jahiliyyah?.
.
Full in love in usug kan babai, damikkiyan hi babai kan usug..
.
Ha sabab sin paglasa nila, nahinang sila BALHALA’ siyumba sin manga Quraish..
.
In hinang pagsirik pa Allahu Ta’ala apabila manaimbabaw ha pangatayan sin manusiya, umusbu pa guwa’ sin kawman, sampay kalupahan sin manusiya’ bang unu in palsababan niya.
.
In makaajaib (makainu-inu) ha jaman jahiliyyah, ha biya’ na hayadtu in taud sin Tuhan nila, mayta’ nila siyumba in duwa tau ini amuin piyagmulkaan sin Tuhan ha sabab sin pagma’asiyat nila?.
Ha bayta’ sin riwayat, awn duwangkatau naglalasa, laung sin magririwayat, in duwa tau ini dayn ha Yaman (Yemen), in usug ngiyanan siya kan ISAAF (إساف) in babai ngiyanan siya kan NA’ILAH (نائلة).
.
Nagtugun in duwa magtunang ini magbak (mag meet) ha pag hadjian, sakali miyabut mayan in panghahadji’ timulak na sila sarta’ nakapagbak na hapag hadjian.. duun mayan sila ha pag hadjian, naligap in manga manusiya’ kanila sampay nakapag jinah sila halawm Haram, laung sin kaibanan riwayat: nakapag jinah halawm KA’ABAH.. na’ diyatungan sila MULKA’ sin Tuhan nahinang sila BATU ha sabab sin ma’asiyat nahinang nila halawm sin BAYTULLAH.
.
Ha lugay sin masa, kiyalupahan sin manga mansuiya’ in kissa ini amuin sababan kahinang kanila BATU, buwat malaingkan amura siyulagan maniyu’-tiyu’ in makatumtum kaniya. Misan bihadtu, ha sabab sin simaplag in pagsirik ha hula’ Arab labi awla ha Makkah, na’ tiyuhan sila karuwa sin manga Quraish, biyutang nila hi ISAAF ha SAFAH ubus biyutang nila hi NA’ILAH ha Marwah, amuna in pagsapuhun nila apabila sila dumatung pa bud yan ha waktu sila nag sasa’i..
.
Laung hi Ibnul Qayyim (rahimahullah): biyutang in hambuuk ha Ka’bah ubus in hambuuk ha tubig Zamzam.
.
.
KAMAYA’ IN MANGA NAGTUTUNANG-TUNANG MAG MEET HA PAG UMRAHAN IBAN HA PAG HADJIAN..

Please follow and like us:

Comments

comments

Pag SHARE kaw bat sumampay pa kaibanan. Magsukul!