Mujassimah

mujassimah

By Saleh Al Fawzan

MUJASSIMAH: Ha antarah da sin Bid’ah iban Kufur

Nasabbut hi Imam Muhammad bin Abdullah Al-Kharshi (rahimahullāh) ha sharah niya sin Mukhtasar Khalil:

وَمِثَالُ اللَّفْظِ الْمُقْتَضِي لِلْكُفْرِ أَنْ يَجْحَدَ مَا عُلِمَ مِنْ الدِّينِ بِالضَّرُورَةِ كَوُجُوبِ الصَّلَاةِ، وَلَوْ جُزْءًا مِنْهَا، وَكَذَا إذَا قَالَ: اللَّهُ جِسْمٌ مُتَحَيِّزٌ

{In misal sin kabtangan amu in manunjuki pa kakufur, amu na in manulang/mangnafihi ha mga parkalah matarrang ha katan in dalil sin kawajib niya, biyah na sin kawajib sin sambahayang – misan pa tibahagian niya sadja – iban damikyan apabila siya imiyan: In Allah nagjajasad sartah miyumutang ha tampat.}

Nalilay in parkalah ini ha kitab Hāshiyatul ‘Adawi ‘ala Sharhi Mukhtasari Khalil Lil Kharshi:

قوله: وكذا إذا قال الله جسم متحيز : اى آخذ قدرا من الفراغ، والمراد أنه قال: جسم كالأجسام، هذا هو الذي يكفر قائله أو معتقده، وأما من قال جسم لا كالأجسام فهو مبتدع على الصحيح

{Ha tungud sin kabtangan hi Al-Kharshi: “iban damikyan apabila siya imiyan: In Allah nagjajasad sartah miyumutang ha tampat”… In maksud niya, apabila siya imiyan/nag-i’tiqad sin in Allah nagjajasad biyah sin jasad sin piyapanjari. Nah amu yan in makufur in nagkabtangan atawa nag-i’tiqad kaniya. Arapun in nagkabtangan/nag-i’tiqad bat “In Allah nagjajasad bukun biyah sin jasad sin piyapanjari” nah in siya yan MUBTADIH bang ha qaul sahih.}

WAYRU’UN NATAYAKKUP IN MGA ULAMA’ HA TUNGUD SIN KASABUNNALAN SIN EEMAN SIN MGA MUJASSIM

Nasabbut hi Imam Shihābuddin An-Nafrāwi (rahimahullāh) ha kitab niya Al-Fawākihud Dawāni ‘ala Risālati Ibnu Abi Zaid Al-Qairawāni:

وَوَقَعَ نِزَاعٌ فِي تَكْفِيرِ الْمُجَسِّمِ قَالَ ابْنُ عَرَفَةَ: الْأَقْرَبُ كُفْرُهُ، وَاخْتِيَارُ الْعِزِّ عَدَمُ كُفْرِهِ لِعُسْرِ فَهْمِ الْعَوَامّ بُرْهَانَ نَفْيِ الْجِسْمِيَّةِ

{Na-awun in pagtunggakali ha tungud sin kakufur sin mga Mujassim. Laung hi Ibnu ‘Arafah (rahimahullah): In masu’uk tuud (pa dalil makusug) amu na in hukuman ka-KUFUR nila. Pinih isab hi Imam Al-‘Izz (bin Abdissalam) in hukuman bukun sila kafir, karnah mahunit kafahaman sin tao ‘awam in mga dalil sin pagnafi ha Tajseem (pag-i’tiqad ha pagjasad/pagbaran sin Dzat Mahasutsi).}

HUKUMAN HI QĀDHI ABU BAKAR IBNUL ‘ARABI AL-MĀLIKI (rahimahullāh) HA TUNGUD SIN MGA MUJASSIMAH IBAN AQEEDAH NILA

Nasabbut hi Qādhi Abu Bakar Ibnul ‘Arabi (rahimahullāh) ha kitab niya Ahkāmul Qur’ān:

فَإِذَا أَنْكَرَ أَحَدٌ الرُّسُلَ أَوْ كَذَّبَهُمْ فِيمَا يُخْبِرُونَ عَنْهُ مِنْ التَّحْلِيلِ وَالتَّحْرِيمِ ، وَالْأَوَامِرِ وَالنَّدْبِ ، فَهُوَ كَافِرٌ ، وَكُلُّ جُمْلَةٍ مِنْ هَذِهِ الْوُجُوهِ الثَّلَاثَةِ لَهُ تَفْصِيلٌ تَدُلُّ عَلَيْهِ هَذِهِ الْجُمْلَةُ الَّتِي أَشَرْنَا ، بِهَا اخْتَلَفَ النَّاسُ فِي التَّكْفِيرِ بِذَلِكَ التَّفْصِيلِ ، وَالتَّفْسِيقِ وَالتَّخْطِئَةِ وَالتَّصْوِيبِ ؛ وَذَلِكَ كَالْقَوْلِ فِي التَّشْبِيهِ وَالتَّجْسِيمِ وَالْجِهَةِ

{Apabila awun siyulagan manusiah nag-inkar atawa nanghimuting ha mga karasulan ha tungud sin mga parkalah piyagsuy-suy nila ha hal sin halal iban haram, iban sin mga da’akan sin Tuhan iban sin mga parkalah piyamduh mahugut, nah in manusiah yan KAFIR.

In katibu’ukan sin tuw (3) tibayhu’an ini, awun pagtaki-taki kaniya amu in manunjuki mari. Dain ha sabab ini, biddah-biddah in pamaham sin manusiah (hati niya, mga ulama’) ha tungud sin pagbantang hukuman ka-KUFUR, labay dain ha pagtaki-taki ini, iban na sin pagbantang hukuman ka-FĀSIQ, ka-SALLAH, iban ka-BUNNAL.

Bihan da isab in qaul (hukuman) ha tungud sin TASHBEEH (pag-i’tiqad ha kasarupa sin Allah pa piyapanjari Niya) iban TAJSEEM (pag-i’tiqad ha pagjasad/pagbaran sin Dzat Mahasutsi), iban JIHHA (pag-i’tiqad ha diyampalan sin Allah, duun na ka dimampal pa taas, atawa pababah, etc.)…}

Please follow and like us:

Comments

comments

Pag SHARE kaw bat sumampay pa kaibanan. Magsukul!