Hukuman Sin Pagpakay Ubat hHapus Napas (Asthma) Ha Adlawan sin Bulan Ramadan.

pag pakay ubat hapus napas

By بن مسعود

بسم الله الرحمن الرحيم

pudji iban sanglit tuput pa katunggal sin Allahu Ta’ala amun nagdihil nèmat sin ka Islam,sarta salawat iban salam pa Nabi pamumukuhan addat junjungan nato Mohammad (sallallahu alayhi wasallam) mabot pa katan kaluarga niya iban pa katan lundang karabat kasahabatan niya.

ha mas’ala ini nabahagi magduwa in pamaham sin mga fuqaha ha masa nato ini sarta makusug in khilaf ha antara sin mga sila ulama ha tungod sin mas’ala ini.

1: Mabahtal in puasa sabab sin makasud siya labay ha gunggūngan harap pa tiyan.

2: Dih mabahtal in puasa kalna in siya bukun kakaun iban pag inom.

pandapat sin mga ulama amun imiyan in pag usal sin ubat asthma duun naka ventolin atawa nebulizer spray iban sin oxygen etc. piyag dalel nila in farman sin Allah ha ma’na maksud katiluagan niya.

وَكُلُواْ وَاشْرَبُواْ حَتَّى يَتَبَيَّنَ لَكُمُ الْخَيْطُ الأَبْيَضُ مِنَ الْخَيْطِ الأَسْوَدِ مِنَ الْفَجْرِ

Farman sin Allah: iban kaun kamo iban inum kamo hingga bang mukiyas na daing kaniyo in tanud puti daing ha tanod itum ha guwa fajar.

in ayat namayta makajari mag inum makan iban sumuuk pa kaasawahan ha wakto katuhgum sin mata suga sambil pa mabot in wakto fajar, ha tao nagpupuasa wajib kaniya in tumangka ha pagkaun iban pag inom iban pagsuuk pa asawa ha adlawan sin ramadan daing ha pag guwa sin fajar sambil pa wakto pagtuhgum sin mata sugah.

daing ha sabab yadto in mga ulama madzhab hiyukum nila makabahtal sin puasa in unu-unu na in sumud pa gunggūngan ha adlawan sin ramadan.

ما جاء في بدائع الصنائع من كتب الحنفية ج ٢/٩٣ من قوله، وما وصل إلي الجوف أو إلى الدماغ عن المخارق الأصلية كالأنف و الأذن والدبر بأن استعط أو احتقن أو أقطر في أذنه أو إلى الدماغ فسد صومه.

ha kitab badāiu as-sanāiu daing ha mga kitab sin hanafi vol.2 p.93 daing ha qaul niya: unu-unu in sumampay tudjo pa gunggungan atawa pa utok atawa daing ha mga jiyalanan gaunggang kariasali biya sin amun ilong iban sin tainga iban sin lungag jalan ha ut sin hugpo (buli) sibuh da in kiyaawnan niya piyasuran atawa tiyugsukan atawa tiyūan ha tainga niya mahuli simampay pa gaunggang tainga niya atawa simampay pa utok niya nà malarak in puasa niya.

قال ابن نجيم في البحر الرائق ٢/٢٧٩ والمراد بترك الأكل ترك إدخال شيء بطنه أعم من كونه مأكولا أو لا.

laung hi ibno nujaim ha kitab bahru ar-rāiq vol.2 p.279 : iban in maksud ha pagtinggal sin pagkaun amuna in tinggalan in pagpasud sin unu-unu na palaum tiyan ha unu-unu na tibayhuan niya sibuh da kakaun iban sin bukun.

و في متن المنهاج من كتب الشافعية مع شرحه مغني المحتاج ٢/١٥٥ : شرط الصوم الإمساك عن وصول العين إلي ما يسمى الجوفا.
nalimpal ha matan sin kitab minhaj daing ha kakitaban sin madzhab as-shafie iban sin lilayan niya ha kitab mughnil muhtaz vol.2 p.155 : sarat sin pag puasa amuna in pag tangka daing ha unu-unu na in tumubud sumud ha katampalan maun pa pagbahasahun gunggūngan.

و قال البهوتي الحنبلي في شرح المنتهى ج ١/١٨١ أو أدخل إلي جوفه شيئا من كل محل ينفذ إلى معدته مطلقا، أي: سواء ينماع و يغذي أو لا، كحصاة و قطعة حديد و رصاص و نحوهما، ولو طرف سكين من فعله أو فعل غيره بإذنه فسد صومه.

laung hi imam albuhuti al-hanbali fie sharhil muntaha vol.1 p.481 : atawa aun mapasud niya harap pa gunggungan niya pakaradjaan daing ha tiyap-tiyap tampat amun tumudju pa tiyan niya sibuh da in matunaw siya iban sin dih, biya sin bato iban sin tingian sin basi iban sin tingga punglo iban sin mapuas daing kanila duwa, iban misan pa siya matugsok sin laring daing ha hinang niya atawa dugaing daing kaniya labay daing ha ijin niya mabahtal in puasa niya.

كما صح عن ابن عباس رضي الله عنهما : والفطر مما دخل و ليس مما خرج.

biya na sin kiyabayta saheh daing kan ibno abbas (radiyallahu anhuma) : iban in makabuka ha puasa unu-unu na in sumud ha bukun unu-unu na in gumuwa.

in ini daing ha tingian sin pituwa sin mga ulama ha darul ifta al-misriya tumpukan sin mga kibar ulama

daing ha sabab yadto ha hambuuk pihak sin mga ulama hiyukum nila daing ha makabàtal sin puasa in pag usal ubat sin mga tao amun aun sakit hapus napas (asthma).

pandapat ha pihak hikaduwa sin mga ulama laung nila dih makaba’tal sin puasa in pag usal ubat sin tao aun hapus napas (asthma), sumagawa aun sadja tibayhuan sin ubat amun makabahtal sin puasa aun isab tibayhuan sin ubat amun dih makabahtal sin puasa.

daing ha mga tibayhuan sin ubat hapus napas (asthma).

1: البخاخ sprayer ventolin
2: الأكسجين oxygen
3: التبخير evaporation
4: الكبسولات capsule

أما البخاخ فهو غاز مضغوط يستعمله المريض ويصل إلى الرئتين عن طريق القصبة الهوائية لتوسيع الرئتين ، وهو ليس أكلاً ولا شرباً ولا شبيهاً بهما ، وقد أفتى علماء اللجنة الدائمة بعدم الفطر باستعمال هذا الدواء ، وهو ما يفتي به الشيخ ابن عثيمين وعامة علمائنا و عيده فضيلة الدكتور يوسف القرضاوي.

adapun in sprayer ventolin in siya compressed gas pag usalun sin nasasakit sumampay pa asang daing ha tiranan sin trachea paluagun niya in kipot sin asang, in yan bukun siya pagkaun iban pag inum iban dihda isab umagiad kakaun iban pag-inum, tanto tuud nag pituwa in mga ulama sin lajna ad-dàima sin dih makabahtal sin puasa in pagpakay sin ubat yan, sarta yan in pituwa hi shiekh uthaimeen iban sin kamatauran ulama sarta tiyaayunan hi dr.yousuf al-qardawi.

وأما الأكسجين فهو أيضا ليس أكلاً ولا شرباً ، وعليه : فيمكن استعماله أثناء الصيام دون أي حرج .

iban adapun in oxygen damikyan in yan bukun siya kakaun iban pag inum, daing ha sabab yadto makajari siya usalun (sin tao nasasakit) ha hinábu nagpupuasa ha wayruun salla niya.

adapun in evaporation, pakayun siya hibutang in ubat maun pa panyap machine niya, ha kariasali in ubat yaun biya kahantang aun asin sodium niya hingga in ubat yaun hibutang siya pa luluunan niya biya kahantang pinggan-pinggan amun panyap special device mahinang siya biya kahantang aso-aso puligsik puligsik hibutang ha simud atawa ha ilong amuna in hanggutun siya sin tao nasasakit, hingga mahanggot niya sumud pa gunggungan niya in tubig iban asin daing ha ubat yaun, na ha hal ini mabahtal in puasa siya ha pagpakay sin evaporation ini, mawajib kaniya in mukah iban mag qada sin puasa kiyabukaan niya.

وأما الكبسولات : فهي عبارة عن كبسولات يكون فيها الدواء على شكل بودرة جافة ، ويتم إدخال هذه الكبسولات إلى جهاز خاص فيه أداة لثقب هذه الكبسولات لتحرير جرعة الدواء ويتم شفطها من الجهاز بواسطة الفم .

واستعمال هذه الكبسولات مفسد للصيام ، لأن جزءاً من هذه البودرة يختلط بالريق وينزل إلى المعدة .

iban in capsule, siya na in ubat amun naawun siya ha piyatatahay ubat powder, ampana siya hibutang maun pa special device niya hingga matunaw in capsul yaun amuna in makabutang na siya pa simud sin panyap special device.

in pagpakay sin capsule ini in siya makalarak sin puasa, sabab in kaibanan powder sin ubat yan magsamud siya iban sin laway hingga in siya manuytuyan palaum tiyan.

in pagpakay sin ubat hapus napas (asthma) atas ha duwa hal.

1: ubat dih makabahtal sin puasa makajari siya pakayun biya na sin ventolin sprayer iban sin oxygen.

2: ubat dih makajari pakayun malaingkan ha kahalan kagugunahan tuud, amuna in evaporation iban sin capsule sarta in tao nasasakit makay sin ubat ini mawajib kaniya in mukah iban mag qada.

in mas’ala ini aun khilaf malaggo ha antara sin mga sila fuqaha ha masa nato ini bihaun, sarta aun daleel nila sibuh-sibuh siyasandigan iban aun munaqasha ha tiyap-tiyap dalel nila iban pandapat nila.

hasupaya kita niyo makaguwa daing ha khilaf, na labi marayaw ha tao amun aun sakit hapus napas (asthma) in magpakay siya sin ubat ha dihpa makaguwa in fajar, iban sumabar siya tahanan niya bang niya katahanan.

bang sawpama dih na siya makatahan na suby na siya makay sin ubat ha bang man amun bukun ubat evaporation iban sin capsule.

amuyan in tiyarjeh papanaw sin mga sila ulama.

in ako bukun ako nag pituwa daing ha akkal-akkal ko, sah in ako naglayin nagpasampay sadja sin pituwa sin mga ulama kato niyo labay daing ha pagsaliksik pagbassa namo.

mahuli bang aun imamu in yan daing ha tawfiq hidayat sin Allah, bang aun wala imamu in yan daing ha panasati ain shaitan iban hawa nafsu ko, ukab in sasahawihan sin kamo.

wallahu a’lam

Using Asthma Inhaler While Fasting

Sheikh Ahmad Kutty, a senior lecturer and an Islamic scholar at the Islamic Institute of Toronto, Ontario, Canada, states,

You don’t need to worry about using asthma inhaler -if you need to- while fasting.  According to the ruling of the vast majority of scholars and jurists, it does not break the fast.

This is also the ruling of the World Fiqh Council. Their reasoning is that it does not fall under the category of consumption of foods, drinks or gratifications; for it is simply delivering oxygen with some medication; most of it goes directly to the lung. Even if some slight elements of it goes to the stomach, it is so considered as insignificant, as such, it  cannot be considered as breaking the fast.

They also reason by analogy to prove this point; they say the use of asthma inhaler is comparable to one gargling the mouth while making wudu’ (ablution), and brushing the teeth.

According to the specialists in the field, more water goes into the stomach through gargling than what goes through asthma inhaler to the stomach. Yet there is consensus (ijma`) that gargling the mouth does not break the fast.

Likewise, brushing the teeth during fasting is also permitted. As a matter of fact, as reported in the sources, the Prophet (peace and blessings be upon him) was seen brushing his teeth so many times during the day while fasting.

In conclusion, according to the most preferred view of the majority of scholars and jurists, using asthma inhaler does not break the fast.

Allah Almighty knows best.

http://www.onislam.net/english/ask-the-scholar/acts-of-worship/fasting/fasting-rulings-and-regulations/453505-fasting-while-using-asthma-inhaler.html?Regulations=

Please follow and like us:

Comments

comments

Pag SHARE kaw bat sumampay pa kaibanan. Magsukul!