Hukuman Sin Magbagung Buhuk Ha Bulan Ramadan

MAGBAGUNG BUHUK

By Muhammad Faiz Al-Madani

Awn nagPM kaku’ nangasubu bang unu in hukuman sin Shara’ tungud ha pagbagung buhuk ha bulan Ramadan, sabab awn kunu’ nagbayta’ sunnah sin Ramadan sarta’ mataud nagbagung.
.
JAWAB:
.
Nasabbut sin manga Ulama’ haka kitab-kitaban nila in tungud ha pagbagung buhuk. unu in hukuman niya?
.
Laung sin kaibanan, MAKRUH malaingkan bang ha Umrah iban Hajj, amuini in papanaw sin Malikiyyah iban riwayat dayn kan Imam Ahmad.
.
Laung sin kaibanan, bukun Makruh, sagawa’ labi apdal in di’ bagungan buwat malaingkan bang siya kahunitan mag ayura (mag maintain) na’ apdal niya bagungan, amuini in papanaw sin Imam Shafi’i.
.
Laung sin kaibanan, manjari siya bagungan, amuini in papanaw sin ulama’ haulihan dayn ha madzhab hanabilah.
.
bang duunun kan Imam Abu Hanifah, sunnah in hukuman niya.
.
bang ha kaibanan, mahukum siya bid’ah apabila in niyat hinangun siya Ibadat atawa alamat sin pag agama. amuyan in piyatarrang hi Imam Ibnu Taymiyyah ha puas niya lilay in kadalil dalilan sin manga Ulama’ nasabbut.
.
Ampa in dalil sin tumpukan amuin namung in pagbagung SUNNAH, na’ wala’ siya nasalamat dayn ha panagdahi sin kaibanan Ulama’, sarta’ laung nila in dalil amuin piyagdalil wala’ nasalamat dayn ha kalamma sin dalil.
.
قال النووي: لم يصح أن النبي – صلى الله عليه وسلم – حلقه إلا في الحج أو العمرة

.
Luang hi Imam Nawawi (Rahimahullah) wayruun bayta’ saheeh (bunnal) ha sabunnal tuud in Nabi (Sallallahu alayhi wasallam) biyagungan niya in buhuk niya buwat malaingkan amura in ha Hajj iban ha Umrah.
.
damikkiyan nasabbut ha kahadis-hadisan in manga Kanabihan sin Allahu Ta’ala mahaba’ in buhuk nila (hatiniya wala’ sila nagbabagung).
.
damikkiyan nasabbut sin hadis in sipat sin Rasul (Sallallahu alayhi wasallam) in kaawnan niya mahaba’ in buhuk iban maagmuk.
.
Laung hi Ibnul Qayyim:

ال ابن القيم: “لم يحفظ عنه حلقه إلا في نسك”

Wayruun riwayat kiyabayta’ in Nabi (sallallahu alayhi wasallam) nagbagung ,malaingkan amura ha pag hadjian (pag umrahan).
.
IN KAHAWPUAN NIYA:
.
In magpahaba’ buhuk (di’ bagungan) labi apdal apabila kagausan niya ayurahun marayaw, biya’ na sin nasabbut amuin sipat sin kanabihan. iban piyanugut (diyaakan) sin shara’ in magbagung apabila ha pag umrahan iban ha pag hadjian. damikkiyan apabila in pagbagung mahinang siya ubat, biya’ sin mataud kutu atawa biyuburuk in uw na’ hiyarus siya sin shara’.
.
Apabila in maksud niya magbagung karna’ Ibadat atawa symbol sin pag ibadat ha bukun waktu sin paghadji’ iban pag Umrah, na’ mahukum siya BID’AH..
.
Na’ bang siya magbagung ha bukun karna’ ibadat iban bukun karna’ pag ubat iban ha bukun waktu pag umrah iban hajj, in labi apdal in tinggalan niya in pagbagung apabila kagausan niya mag ayura sin buhuk niya, bang di’ na jiyari kaniya magbagung atawa maggunting (semi bagung).
.
AMUYAN IN NABASSA KU HAMBUUK BAHATH SIN SHIEKH, WALA’ KUNA BIYUTANG IN MANGA DALIL NILA SABAB SIN MAHABA’ TUUD..
.
WALLAHU A’ALAM.
.
Bang awn dalil sin manga sila nagpamung “Sunnah sin Ramadan in magbagung na’ dihilan niyu kamu’ hasupaya natu’ kahatihan in hukuman sin Agama natu’..iban bang awn hikaganap sin kaguruhan ha tiranan ha tungud sin hukuman nasabbut na’ ganapi niyu atawa sagdaha niyu in post ini..
.
magsukul.. wal ‘ilmu ‘indaLLah.

Please follow and like us:

Comments

comments

Pag SHARE kaw bat sumampay pa kaibanan. Magsukul!