Hukuman Iban Aturan Sin Pag ‘Aqeeqah

Hukuman-iban-aturan-sin-Pag-AQEEQAH

By Abraar Iban Nushaiba

Sual : يعقوب اسيد 
Amoin misan di’ kami kumawa laung ta tao maghinang sin pag iyanon haqiqa (paggunting ha bata-bata)…amoin kmi na mga kaamaan in huminang..mgsukol..

Jawab: Abraar Iban Nushaiba
الحمد لله وكفى ، والصلاة والسلام على نبيّنا المصطفى ، وعلى آله واصحابه الأتقياء الأصفيا

:أمّا بعد

السلام عليكم ورحمة الله تعالى وبركاته

Wa alaykumussalam warahmatullahi wa barakatuhu tuan يعقوب اسيد, yarin in Khulasah (summary) hukuman sin Pag-aqeeqah iban aturan niya.

Unu in hati sin AQEEQAH?

In Aqeeqah bang ha Lugah (bahasa): Kiyawa’ daying ha kalimah ‘Aqqa “Pag-utud” .

In Aqeeqah bang ha Istilaahan (Shara’): Bili-bili atawa Kambing sumbay-un ha adlaw sin pag-bagung ha Bata’ Bata’ bahgu piyag-anak .

Unu in hukuman sin Aqeeqah?

In hukuman sin Aqeeqah, sunnah mu’aqqadah. Ha Hadith sin Rasulullahi (sallallahu alayhi wasallam):

عن سلمان بن عامر الضبي عن النبي صلى الله عليه وسلم قال : سمعتُ رسول الله صلى الله عليه وسلم يقول : ” مع الغلام عقيقة ، فأهريقوا عنه دماً ، وأميطوا عنه الأذى ” .
رواه البخاري ( 5154 ) .

Riwayat dayin kan Salman Ibn Aamir Ad-dibbiy, dayin ha Nabiy (sallallahu alayhi wasallam) nagsabda siya: Diyungug ku in Rasulullahi (sallallahu alayhi wasallam) nagsabda: “Sarta’ in Bata’-bata’ (bahgu piyag-anak) subay siya Aqeeqahan, na’ sumbay-i niyu siya (binatang), iban iga niyu in lummi’ duun kaniya” (Kiyariwayat hi Al-bukhariy, umbul 5154).

Kuhnu mag Aqeeqah?

In waktu sin Aqeeqah, daing ha kapag anak ha Bata’-bata’, sumagawa’ in sunnat sumbay-an in bata’ bata’ sin Aqeeqah niya ha hika pitu (7th day) dayin ha adlaw sin kapag-anak kaniya, sarta’ bagungan iban nganan siya, ha Hadith sin Rasulullahi (sallallahu alayhi wasallam):

عن سمرة بن جندب عن النَّبيِّ صلَّى الله عليه وسلم قال : ” كلُّ غلامٍ مرتهن بعقيقته ، تُذبح عنه يوم السابع ويحلق رأسه ويسمَّى ” .
رواه الترمذي ( 1522 ) وقال : حسن صحيح ، وابن ماجه ( 3165 ) صحيح ابن ماجه ( 2563 ) .

Riwayat dayin kan Samurah Ibn Jundab, dayin ha Nabiy (sallallahu alayhi wasallam) nagsabda siya: “In katan Bata’-bata’ subay ka-aqeeqahan, sumbay-an siya (binatang) ha adlaw hikapitu (dayin ha kapag-anak kaniya), sarta’ bagungan in buhuk niya, iban (ha adlaw yan) nganan siya.”(Kiyariwayat hi At-tirmidhiy, laung niya: Hasan Saheeh, iban Hi Ibnu Maajah, saheehun ibnu Maajah).

Malayingkan, bang in Ma’as dih kaga-usan mag-aqeeqah ha anak nila duun ha hikapitu adlaw sin kapag-anak niya, na’ hinangun ha 14th day, bang dih pa kaga-usan duun ha 21th day, bang dih pa kaga-usan misan kuhnu-kuhnu na adlaw katakinan niya. Bang wayruun tuud hpag-aqeeqah ha Anak nila sabab landuh in kamiskin, na’ in Allahu ta’aala dih niya hipaglugus ha Eipun in parkala’ dih niya kaga-usan, inshaallah awn kama-apan kaniya.

Pila in Sumbay-un binatang ha Aqeeqah?

Sunnat sumbay-an in Bata’-bata’ Usug piyag-anak Duwa (2) Bili-bili atawa Kambing. In Bata’-bata’ isab Baba-i hambuuk (1) Bili-bili atawa Kambing.

Ha hadith sin Rasulullahi (sallallahu alayhi wasallam):

عن أم كرز أنها سألت رسول الله صلى الله عليه وسلم عن العقيقة فقال : ” عن الغلام شاتان ، وعن الأنثى واحدة ، ولا يضركم ذكراناً كنَّ أم إناثاً ” .

رواه الترمذي ( 1516 ) وقال : حسن صحيح ، والنسائي ( 4217 ) وأبو داود ( 2835 ) وابن ماجه ( 3162 ) ولم يرو الزيادة الأخيرة صحيح أبي داود ( 2460 ) .

Riwayat dayin kan Ummu Karz (Radiyallahu anha), bunnal tuud na-asubu niya in Rasulullahi (sallallahu alayhi wasallam) tungud pag-aqeeqah, in sabda niya (Sallallahu alayhi wasallam):

“Ha Bata’-bata’ Usug duwa (2) Bili-bili (atawa kambin) in Sumbay-un kaniya, in Bata’-bata’ Baba-i Hambuuk (Bili-bili atawa kambing) in sumbay-un kaniya.” (Kiyariwayat hi At-tirmidhiy: Hasan saheeh, iban hi An-nasaa’iy, iban hi Abuw Dawud, Ibn Majah).

Kuhnu mag-ngan ha Bata’-bata’ bahgu piyag-anak?

Sunnah nganan in Bata’ bata’ ha hika pitu (7th day) dayin ha adlaw kapag-anak kaniya.

Ha hadith sin Rasulullahi (sallallahu alayhi wasallam):
عن سمرة بن جندب عن النَّبيِّ صلَّى الله عليه وسلم قال : ” كلُّ غلامٍ مرتهن بعقيقته ، تُذبح عنه يوم السابع ويحلق رأسه ويسمَّى ” .
رواه الترمذي ( 1522 ) وقال : حسن صحيح ، وابن ماجه ( 3165 ) صحيح ابن ماجه ( 2563 ) .

Riwayat dayin kan Samurah Ibn Jundab, dayin ha Nabiy (sallallahu alayhi wasallam) nagsabda siya: “In katan Bata’-bata’ subay ka-aqeeqahan, sumbay-an siya (binatang) ha adlaw hikapitu (dayin ha kapag-anak kaniya), sarta’ bagungan in buhuk niya, iban (ha adlaw yan) NGANAN siya.”(Kiyariwayat hi At-tirmidhiy, laung niya: Hasan Saheeh, iban Hi Ibnu Maajah, saheehun ibnu Maajah).

In aturan sin pag-ngan, piy-an natu’ in mga ka-anakan natu’ sin ngan sarayaw-rayaw. Sabab in Nabiy Muhammad (sallallahu alayhi wasallam) piyagpindahan niya in mga kangan-nganan bukun marayaw in ma’na niya, sarta’ nangda-aki siya sin subay pindahan in ngan bukun marayaw in hati niya. In dayin ha mga sarayaw-rayaw ngan hipag-ngan ha Bata’-bata’ Usug, biya’ na sin Abdullah iban Abdur-Rahmaan.

Ha hadith sin Rasulullahi (sallallahu alayhi wasallam), riwayat dayin kan Abdullah Ibn Umar (radiyallahu anhuma) laung niya, nagsabda in Rasulullahi (sallallahu alayhi wasallam):

“In sarayaw-rayaw ngan kabaya-an sin Allahu ta’aala, amuna in Abdullah iban Abdur-rahman.” (Kiyariwayat hi Muslim Rahimahullah).

Unu in hukuman sin Pagbagung sin Buhuk ha bahgu piyag-anak?

Sunnat in bagungan in Buhuk sin Bata’-bata’ ha hikapitu (7th day) dayin ha adlaw kapag-anak kaniya, ampa siya Sumbay-an sin Aqeeqah niya, ampa timbangun in Buhuk niya, pila-pila na in buggat sin buhuk niya, bihadtu da isab in buggat sin Pilak (silver) hipagsadaqqah mu (Atawa i convert mu siya pa cein labi marayaw bang makataud atawa pila-pila na), sibu’ da Usug iban Bata’-bata’ Baba-i.

Sumagawa’ bang in pagbagung ha Buhuk sin Bata’-bata’ hikamudarat kaniya, sabab malunuk pa in U niya, na’ misan dakuman hawpu-an (trim).

In dalil, ha hadith sin Rasulullahi (sallallahu alayhi wasallam), riwayat dayin kan Aliy (Radiyallahu anhu) laung niya: “Iyaqeeqahan sin Rasulullahi (sallallahu alayhi wasallam) hi Hasan hambuuk bili-bili, ampa niya tiyawag hi Fatima’ (radiyallahu anha), in agi niya kan Fatimah: “Bagungi in Buhuk niya, ampa mu timbanga in buhuk niya higanti’ pa pilak (diin-diin in buggat niya, bihadtu ra isab in buggat sin Pilak hisadaqqah niya).” (Kiyariwayat hi Ahmad iban At-tirmidhiy).

Unu in Tahneek?

Sunnat in magtahneek, sibu’ da Bata’bata’ Usug atawa Baba-i. In hati sin Tahneek: “Supa-un in hulma’ ampa hipahid pa dulang-dulang sin Bata’-bata’, hasupaya maka-un sin Bata’-bata’ in Hulma’ inut-inut.

In dalil, Riwayat daying kan Abi Musa (Radiyallahu anhu) laung niya: “Ha waktu piyag-anak in anak ku, diya ku siya madtu pa Rasulullahi (sallallahu alayhi wasallam), ngiyanan siya sin Rasulullahi (sallallahu alayhi wasallam) Ibraheem, iban tiyahnikan siya sin Hulma’.” (Kiyariwayat hi Al-bukhariy)

Unu in hukuman sin Pag-azan (pagbang) ha Taynga sin Bata’-bata’ piyag-anak?

Sunnat in pag-azan ha taynga sin Bata’-bata’ ha waktu siya hipag-anak. Ha hadith sin Rasulullahi (sallallahu alayhi wasallam), riwayat dayin kan Abiy Rafi’ (Radiyallahu anhu) laung niya:

“Kiyta’ ku in Rasulullahi (sallallahu alayhi wasallam) biyangan niya in Taynga hi Hasan anak hi Aliy (radiyallahu anh), ha waktu siya piyag-anak hi Fatima’ (radiyallahu anha).” (Kiyariwayat hi At-tirmidhiy)

Unu in hipag-duwaa ha tau Ridjiki-an Anak?

بارك الله لك في الموهوب وشكرت الواهب ورزقت بره وبلغ أشده

“Bang mayan piyagbarakat in Hadiyyah kaymu sin Allahu ta’aala ANAK, iban bang man kaw ma-ingat magsukul ha nagdihil kaymu Hadiyyah, iban bang man anughara-an kaw sin Allahu ta’aala, in anak mu yan magta-at kaymu, iban bang man in anak mu yan lumasag”

Tuan يعقوب اسيد, amu yan in kahawpu-an hukuman sin Aqeeqah, kiyawa’ dayin ha Qur-an iban Sunnah sin Nabiy Muhammad (sallallahu alayhi wasallam).

Adapun, in magkahinang sin ka-ibanan kataymanghuran ha hula’ biya’ na sin timbangun in Anak iban sin Manuk, iban dugaing pa amuin sulang ha Sunnah sin Rasulullahi (sallallahu alayhi wasallam), na’ in yan wayruun na piyangda-akan sin Agama ta. In Agama Islama maluhay wayruun kita piyasigpitan, sah manusiya’ in nagpasigpit.

Bang sawpama kaw Ridjiki-an sin Allahu ta’aala Anak, yari in duwaa ku kaymu:

بارك الله لك في الموهوب وشكرت الواهب ورزقت بره وبلغ أشده

Wallahu a’lam bissawab. Assalamu alaykum warahmatullah.

Related Post: Hukuman Sin Aqiqah

Paying Price of `Aqiqah to Islamic Charity

Question: As-salamu `alaykum. Is it permissible to pay the price of `aqiqah to some Islamic charity?

Answer: Wa `alaykum as-salamu wa rahmatullahi wa barakatuh.

In the Name of Allah, Most Gracious, Most Merciful.

All praise and thanks are due to Allah, and peace and blessings be upon His Messenger.

Dear brother, we highly appreciate the great confidence you repose in us and we really commend your apparent interest to be a good practising Muslim being interested in the teachings of Islam and caring about the suffering Muslim brothers and sisters.

`Aqiqah is a Sunnah; it is fulfilled by slaughtering a sheep on the seventh day of the baby’s birth and giving the same weight of gold as his hair as charity. One can entrust an organization to do that. But `aqiqah is only fulfilled by slaughtering and distributing the meat of an animal.

Responding to your question, Dr. Wael Shihab, PhD in Islamic Studies, Al-Azhar University, and the Head of the Shari`ah Dept. of Onislam.net website, stated,

Let us seize the chance and remind you and our Muslims brothers and sisters of the rulings of `aqiqah. It is a Sunnah to shave the hair of the baby on the 7thday of his birth and give its weight of gold in charity. It is also the Sunnah to name the baby on the 7th day.

If one is capable, he is recommended by the Sunnah to offer `aqiqah on the same day; if not, one may delay offering it when he becomes capable to. It is acceptable, as far as Shari`ah is concerned, to slaughter one sheep for the boy; the same way a single sheep could be slaughtered for the girl.

One may pay the price of the `aqiqah to an Islamic organization to buy, slaughter, and distribute the meat of a sheep on his behalf. `Aqiqah in itself is not fulfilled if its price is spent on charitable projects other than slaughtering a sacrificial animal and distributing its meat according to the Sunnah.

May Allah accept your and our good deeds!

Allah Almighty knows best.

 

Please follow and like us:

Comments

comments

Pag SHARE kaw bat sumampay pa kaibanan. Magsukul!